L’ospit Ilustri: il ‘Judizi Finâl’ di Zuanbatiste Tiepolo
10 di Otubar 2026 - 17 di Zenâr 2027

In gracie de colaborazion cu lis Galariis di Italie e Intesa Sanpaolo, la Galarie di Art Antighe dal Cjistiel di Udin e presente il so ‘Ospit Ilustri’: il Judizi Finâl di Zuanbatiste Tiepolo, rivât des Galariis di art de Bancje.
Chest prestit prestigjôs al ufrìs la ocasion par lâ insot tal svilup dal stîl e de tecniche di Tiepolo, metint in dialic il Judizi Finâl (Giudizio Finale, datât dai studiôs tra il 1730 e il 1747) cu lis oparis realizadis dal mestri venit par Udin, vuê esponudis te Galarie di Art Antighe dal Cjistiel.
Al è probabil che la opare e fos stade concepide tant che model preparatori pe decorazion dal sofit di un edifici prestigjôs, un progjet che nol fo mai realizât o che al podarès jessi lât pierdût. Cheste destinazion pussibile e jude a capî la composizion de tele: Tiepolo, di fat, al organize la sene come se il spetatôr le cjalàs dal bas, cu lis figuris disponudis daûr di un moviment a spirâl che al puarte il voli bande il centri, ocupât de figure di Crist.
Par un timp, il Judizi Finâl si da la volte cul innomenât Consilium in arena, opare mestre di Tiepolo dade in prestit ae mostre Giandomenico Tiepolo (1727–1804). Un mondo nuovo, in program tal stes periodi tes Galariis di Italie - Vicence li dal Palaç Leoni Montanari.